15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da pynman yaka Youth Health Festival ha Amlarem

0 Comments
Advertisement ad1

Jowai: Ka yung krehkaam u District Medical and Health officer, West Jaiñtia Hills ynne da lehkmen ki ya ka Rastriya Kishor Swasthya Karyakram (RKSK) da ka tamasa Youth Health Festival 2020 neibynta kiwa dang khai khynroo khyllood hajrong ka phang “Adolescence: Towards Wholesome Growth” ha Syiem Jingsuk Higher Secondary School, Amlarem, heiwa u K. Pohshna, Chairman Block Development Committee, Amlarem da man u kam u kongsan wa u Dr. M. Talang, Former Joint Director MCH& FW, Shillong da man u kam u symbood kongsan.

Yaka yalang wai da pynlai da u J. Buam, Block Extension Educator (BEE), Amlarem Block wa Dr. E. Challam, Additional District Medical and Health Officer, West Jaiñtia Hills wa e yei ktien pdiang sñiawbha. Da emlang leh u Fr. G. Syiemlieh, Principal ka Syiem Jingsuk Higher Secondary School, Amlarem, kiwa sikai kamjooh leh ki khynnah skur. 

U kongsan u K. Pohshna, da e khublei u yaka chnat i chait i khiah ya i chakri yong ki ya ki paidbah kamjooh yei pynwandur ya ki khynroo khyllood wa katni yow yoh ki yaka chait ka khiah mynstep mankawi. Da kyntu u leh ya ki khynnah skur wow man kiwa burom ya ki bei ki pa, ya kiwa sikai wei wa ya ki waheh wei wow man kiwa syndong hawa pynemkaam ya ki Social Media. 

Ka Rashtriya Kishor Swasthya Karyakram toh prokram neibynta ka chait ka khiah wa da sdang daka Ministry of Health & Family Welfare haka 07-01-2014 neibynta kiwa nadooh 10 hadooh 19 snem.

U District Coordinator WJH u M.K. Augustine Iano ha ki ktien waiphang yong oo da klam u chaphang ka thong kani ka program kawa klam chaphang i baam wa chait wa khiah wa kiwi kiwa emkaam ki khynnah wow heh u san.

Ha West Jaintia Hills da pynkrehkaam ya kani ka program nadooh u snem 2015 wa kynthup ha ki le tylli ki Block ka Amlarem, Laskein wa Thadlaskein C&RD Block. Ya kani ka program da pynkrehkaam da u Nodal Officer, District Coordinator wa le ngut ki Trained Counsellors. Ka Counselling nama ka ya syllok toh kawa da e ha ki District Hospital wa Community Health Centre da pyntip u Austine Iano. 

Da pyntip chooh chooh u wa hapoh ka RKSK Program da sdang ya ki Adolescence Friendly Health Clinic (AFHC) ha ki District Hospital, Community Health Centre wa Public Health Centre yow yarap ya ki khynnah yow man ki kiwa chlur deiwa pynman leh ya ki Adolescent Health Day (AHD). 

Da em leh kiwa dang khai khynroo kiwa da e sikai yow man ki kam ki Peer Educator (PE) ha jar jiar ki chong ki. Da jied soo ngut ki Peer Educators na kawi kawi ka chnong wa kynthup ya ar ngut ki chynrang wa ki kynthai kiwa em ha i rta 15-19 snem ki wow ya syllok wa ki khynnah. 

Ha West Jaiñtia Hills waroh da em 649 ngut ki Peer Educators na ki 164 tylli ki chnong wa pynkrehkaam ya kani ka Program. Hapoh Amlarem Block da em 234 ngut ki Peer Educators na 59 tylli ki chnong, ha Laskein Block 177 ngut na ki 44 tylli ki chnong wa ha Thadlaskein Block da em 238 ngut ha ki 60 tylli ki chnong.

Da pynman leh ya kiwa boon jait ki yakob wei da saam ya ki khusnam cha ki wajop.

Share this:
Previous

Toh u khyrwit deiwa eh ya kiwa emkti u wanrah um snam ha Ichamati: Hamlet Dohling

Next

I jia ha Ichamati toh wow kyrsu thiah ya ka jaitbru, ong u Samuel Jyrwa