15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

I jia ha Ichamati toh wow kyrsu thiah ya ka jaitbru, ong u Samuel Jyrwa

0 Comments
Advertisement ad1

Shillong: U Chairman ka North East Students’ Organisation (NESO), u Samuel Jyrwa da beiñ u yei chah thombor dusmon ki dkhot ka KSU wa ki paidbah hadooh wa da dooh yei mynsien yong uwi u khynroo wei da mynsoo boon ngut. Da khut u ya ki khynroo ka thaaiñ mihsngi wa yong ka jylla waroh kawi wow yieñ yaleh pyrchah ya ini i leh embor ki baar jylla.

U Jyrwa uwa man leh uwa yahkhmat warim ka KSU, da ong u wa i mih ki baar jylla wow yaleh pyrchah hawa ka KSU dang pynman ko yaka pynsñiawthooh paidbah wa jai jai u man ko i kyrsu thiah thiah ya ka jaitbru. Da ong u wa kam ka jaitbru toh wow yieñ yaleh pyrchah ya ini neibhah lada ym ye u yieñ katni, ka mynried ki pateiñ wow wan daw man ko kawa maa wa kawa doom.

Da ong u wa ka sorkar jylla toh u chimkhia ko ya kani ka kaam wei wow kem smat ya ki damok wa emkti wow thombor neibhah lada ym chim khia, ini i jia daw nang poor wei heh, ha i jooh i por da dawa u na ka sorkar India wow e yaka aiñ wow yada ya ka jaitbru khian paaid.

Hawa kylli, u Jyrwa da ong u wa i pynkrehkaam da ka Curfew ha nongbah Shillong man ko kawa ym yahap wei ka sorkar toh u pynbna Curfew ha Ichamati wei wow phah ya ki pulit wow sai wei khynra naphang ya ki damok baar jylla.

Share this:
Previous

Da pynman yaka Youth Health Festival ha Amlarem

Next

Toh u pynkrehkaam noh smat yaka ILP ha ka jylla: Lambor