Toh u khyrwit deiwa eh ya kiwa emkti u wanrah um snam ha Ichamati: Hamlet Dohling

Shillong: U Hamletson Dohling, montri sorkar jylla wa pait ya ka chnat Urban Affairs, da pynsñiaw u yei beiñ joor hajrong i jia ya um snam ha Ichamati ynne ka sngi. “Nga pynsñiaw O yei beiñ joor hajrong ini i jia wa ki baar jylla u thombor ki ya ki khynroo Khasi”, da ong u Hamletson Dohling.

“Nga da yaklam O yaka Superintendent of Police wei da kyntu O wa toh u khyrwit deiwa eh ya kiwa emkti wow wanrah yei klumar wow choh u dat ya ki khynroo Khasi”, da ong uni uwa mihkhmat ka Mylliem Constituency, uwa man leh nachwa uwa yahkhmat warim ka KSU.

“Nga phah O ka kyrwoh khubor sñiawlem cha kiwa chah thombor ha ini i jia wei khamtam cha kiwa hayung u Lurshai Hynniewta, uwa da khlaad noh na ini i chah bom chah dat ha ini i jia ya kynad um snam”, da ong u Hamlet deiwa kyntu u kem smat ya kiwa emkti.