15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Khang ka Assam wow wanrah yaki syiar na baar ka jylla

Advertisement ad1
Advertisement ad1
Advertisement ad1

Haka kyrwoh wa da phah daka Ministry of Fisheries, Animal Husbandry & Dairying ka sorkar India da pyntip ko wa da pyntikna yei em ka kjut syiar namo ka Avian Influenza na ki nongmuna wa da Test daka ICAR-NIHSAD na ki ar tylli ki thaw ri syiar kitæ ha Panchkula District, Haryana wei da chem leh ya ini i kjut ha ki sim (Migratory Birds) ha Junagadh District, Gujarat wa ha ki lat’aab ha Sawai Madhopur, Pali, Jaisalmer wa Mohar District ka Rajasthan.

Kamtæ da sneiñ ya ki jylla wa chah ktah wow kdoh u khoom yeini i kjut iwa da chem hadooh katni ha ki 6 tylli ki jylla ha Kerala, Rajasthan, Madhya Pradesh, Himachal Pradesh, Haryana wa Gujarat. Deiwa pyntip leh wa i pynyap yaki syiar ha ki artylli ki District wa chah ktah ha Kerala da ye wow pyndep wei i siat pynkhooid dang pteiñ i.

Da pyntip leh wa da chem ya ki 16 tylli ki sim wa yap ha DDA Park Hastsal, Delhi. Kamtæ ka Animal Husbandry Department ka NCT, Delhi da phah ko yaki nongmuna (Sample) cha ka ICAR-NIHSAD wei dang yang yaka Test Report.

Heiyatoh wa ini, ka sorkar Assam da pynmih hukum ko wow khang yei wanrah yaki syiar na baar ka jylla kamjooh i doh syiar deiwa ong wa ini i kjut toh iwa poor bha wei daw man ko i dooh nong ya ki bru wa em ha ini i khih, kamtæ da khang chisyndon yei wanrah ya ki syiar neiliang sepsngi ka jylla Assam iwa heijooh i por wow yada ya kiwi ki jylla mihsngi ka ri.

Share this:
Previous

Kyntu ki warep ka MLRDS wym toh u pynlait kulmar ya ki masi

Next

Da pynman yei pyndur e dawai yada COVID-19 ha ki 33 tylli ki thaw sumaar ka Meghalaya