U Montri Rangbah ka jylla, u Conrad Kongal Sangma da pyntip u wa ka sorkar jylla dadep thoh ko cha ka sorkar India wow pyntip wa em i pyrchah ya ka Public Hearing yong ka Star Cement wow pynheh ya ka paar wow tih moochuni na ka thaaiñ Brichyrnot, East Jaiñtia Hills District.
Da ong u wa ka sorkar da pyntip ko ya ini i jia heiwa da ong wa em kiwa pyrchah wa em kiwa kyrchaan ya ini i thmu wei neiliang ka sorkar jylla da ieh bait ko ha ka sorkar India wow rai ya ini.
Chooh chooh da ong u wa ka sorkar jylla ymtip ko iwon iwon hajrong i leh ka sorkar India neibhah neiliang ka jylla da phah ko ya ka bui (Report) kamwa man hi ko.
