U Montri Rangbah ka jylla, u Conrad K. Sangma ynne ka sngi da wai u ya ka ‘Me•Gong Festival’ kawa man ka tamasa wow pynyoorong ya i rukom im ki jaitbru Garo ka wow man le sngi heiwa da wan chimbynta leh ki bru na Arunachal Pradesh, Sikkim wa Assam.
Ya kani ka tamasa da wai ha Babadam hajan Tura, heiwa u Conrad da ong u wa kani ka tamasa daw man ko kam chibynta yong i dap 50 snem ka jylla wa 75 snem ka India.
Da ong u wa kani ka tamasa ka chnat Tourism daw pynyoo ko ya ki thaw uiñke suwari wa em ha Ri-loom Garo. Da ong u wa nei wan ka khlam COVID-19 da chah ktah bha i kaam uiñke suwari wei da kyrmen u wa deiwa pynman ya kam kani ka tamasa daw yarap u riñ ya ki bru wow wan uiñke cha ka jylla.
“Ka Tribal Research Institute (TRI), kawa dang chna ha Chidikgre, Babadam daw yarap ko ya ki bru wa thooh bniah u yoh yutip ki hajrong ki jait-bru ri-loom,” da ong u Conrad deiwa pynrap wa da kwah wa ka TRI u man ko kam ka thaw wow em ki yutip heiyatoh wa ki jaitbru ri-loom ka thaaiñ mihsngi ka ri wei ya ka Me’gong ka wow pynman man-u-snem daw pynman noh ya ka ha TRI nadooh u snem wow wan.
