Ka sorkar jylla Meghalaya ynne ka sngi da sdang ko ya ka Cloud-Based Telephony Solution namo u Helpline wow e yarap heiyatoh wa ki yutip wa yatoh wa u khñiang COVID-19.
Kani man ko kawi na ki kaam wa ym em iwon iwon i lut poisa wei daw yarap i leh u e kreh ya kiwa khlem khih khlem kreh.
Uni u Helpline da sdang wa ki karkhana wa pawnaam ka ri kam kawa na Bengaluru kawa tip kam ka Project StepOne kawa da tia chaphrang dei mon sñiawbha heiyatoh wa u COVID Tele-Counseling kawa da tyrwa yarap ya ka jylla.
Da yakrehlang leh wa ka BSNL wow e ya ka National Toll Free Number wei da yakreh leh wa ka Team Avenues wow e yarap cha waroh ki District ka jylla.
Kani ka Helpline daw yarap ko ha i ktien English, Hindi, Khasi, Garo wa Pnar wei u krehkaam ko nadooh ka Monday hadooh Saturday nadooh 9:00 i step hadooh 9:00 i miet.
Kiwa Phone ye ki wow khana namo tip ya ki dak ki chin (Symptoms) wow kylli hajrong ki kyndon thaw psiah thaw mih namo Entry & Exit, wow e yutip heiyatoh wa kiwon kiwon ki kaam wa yatoh wa u COVID nadooh ka Quarantine wa Isolation.
Da em leh ki bru wa chemphang ha ka Psychological Counselor wa ki Doctor ha waroh ki District kiwa ye u e yarap.
