Shillong: U montri rangbah ka jylla, u Conrad K. Sangma ynne da sdang u ya ka ‘Meghalaya Muga Mission’ ha ka yalang wa da pynman ha State Convention Centre, Shillong.
U Conrad hawa e yei klam da ong u wa ka thaaiñ mihsngi mahajon bha ko ha ka sap wow thaaiñ that muka nadooh ki por warim wei hapoh kani ka Mission da booh thong wow pynlut hadooh kamwa T. 130 Klur.
“Hadooh katni ki warep pynmih ki ya u kse muka wei da dai ya oo cha Assam wei deiwa pynmih boon wei kamjooh leh wow pynneh yei miat u kse muka kamtæ daw ye u pynmiat ya i rukom khayi ya uni u mar,” da ong u.
Da on u leh wa ki Mission kam ka Jackfruit Mission, Milk Mission wa kiwi kiwi hanlada chimpor ki wow pyndep tangwa da sdang yoo ya ki soh wa mih na ki.
U Addl. Chief Secretary u K.N. Kumar da ong u wa na 108 Metric Ton u kse muka wa da pynmih hapoh ka ri, ka Meghalaya pynmih ko 30 Metric Ton chi snem, wei em ko hei kyrdan wa san hapoh ka ri.
Da ong u leh wa ya u kse muka da challan cha Assam wei katni dang dang ku dor u.
Da pyntip u leh wa hapoh kani ka Mission da mang wow pynlut T. 130 klur ha ki san snem nadooh wow pynheh pynkmai ya i kaam, wow chna ya ki thaw psan kniang, wow esikai ya ki warep, wa kiwi kiwi.
Da booh thong leh wa ki soo namo san snem daw ye u pynmih hadooh 43 Metric Ton uni u mar napoh ka jylla donhi heiwa i d r daw kynjoh i cha ka T. 50 Klur hadooh ka T. 70 klur.
Heijooh i por da pyntip u wa daw chna ya ka Muga Farmers’ Training Centre ha Resubelpara, North Garo Hills.
Discussion about this post