Ka lympung yalehke Badminton kawa tip kam 1st Badminton Tournament ha Wahiajer wa pynman daka Wahiajer Sport Club kawa da wan chimbynta da kamwa 40 ngut ki khon khynroo yong ka chnong Wahiajer, da sdang yaka ynne ka sngi ka 14 tarik.
Haka sngi sdang da em ka yakhun Singles waka Doubles wei i thmu wow pynman ya kani ka Badminton Tournament man ko kam chibynta wow pynku yei sap ki khon khynroo yong ka chnong ha ki yalehke kamjooh u man ko leh i myntoi yow lait ki khon kynroo ka chnong wow chah eiñ ha ki jait dih wa pynmuaid.
Neiliang u Secretary Sport ka Wahiajer u Dauni Phawa da e khublei u ya kiwa pynlai kani ka Tournament hapoh i yahkhmat u Hillel Susngi, u Embok Jat kiwa da yaleh chitom wow pynman ya kani ka Tournament kawa jop.
Ya kani ka lympung da pynman hapoh ka Yung Dorbar yong ka chnong Wahiajer.
