Hei sngi ka 14 tarik heipor kamwa 1:30-2:00 waje i sngi da em da ki spah tylli ki manyung wa chah ktah ha u phria wa u slap.
Katkam ka khubor wa da yoh, da ong wa u phria da ktah joor u ya palat 6 tylli ki chnong wa em hapoh ka Laskein C&RD Block.
Kini ki chnong wa chah ktah kynthup ki ya ka Barato, Umsalang, Mukroh, Thadbamon, Thangrain wa kiwi.
Chooh chooh ki manyung wa chah ktah ha u phria katkam ka khubor na ki bor sorkar hadooh 6:00 waje i janmiet man ki 24 tylli ha Thadbamon, 7 tylli ha Mukroh wa 96 tylli ha Umsalang.
Ya ka yukheiñ wa bniah heiyatoh wa ki chnong wa chah ktah daw pyntip won kat dang yoh khubor.
Discussion about this post