Da thoh cha ka sorkar wow sdang ya ka Evening Shift ha Kiang Nangbah HSS Jowai  

I mat wa yatoh wa i dooh thaw puræ ki khynnah kiwa da pyndep ya ka SSLC ha uni u snem man ko kawa khia bha ya waroh nadooh ki manbei manpa wa kamjooh leh ya ki bor sorkar heiwa ha uni u snem da em palat hajar tylli ki Seat wa duna neidaw wa boon ware ki khynnah wa Pass ya kani ka Exam.

Hapoh West Jaiñtia Hills katkam wa man dang em boon ngut ki khynnah ki wym pu yoh thaw puræ hadooh ynne ka sngi.

Hawa yaklam wa u Deputy Commissioner ka West Jaiñtia Hills, u Abhinav Kumar Singh da pyntip u wa katkam ka yukheiñ wa da yoh hadooh ynnin da em sa 124 ngut ki wym pu yoh thaw puræ.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Da pyntip u wa da thoh cha u Director kamjooh cha u Commissioner & Secretary ka chnat Education ka jylla wow sdang noh ya ka Evening Shift ha Kiang Nangbah Government Higher Secondary School, Jowai ka wow em 200 tylli ki seat.

Da yooluti u leh wa deiwa sdang ya kani ka Evening Shift daw ye lut u pdiang ya ki khynnah wei dang yang donhi wow yoh jubab na ka sorkar hajrong ini.