15 49.0138 8.38624 1 0 4000 1 https://wyrta.com 300 0

Da thoh ka KHADC cha ka sorkar jylla wym ye u soi soskular wa ki karkhana khlem yohbor na ka: CEM

0 Comments
Advertisement ad1

Shillong: Ka KHADC da rai ko wow pyrchah ya i soi soskular ka sorkar jylla wa ki Company bordiñ wow pynkrehkaam ya kiwa boon ki kaam hapoh ka jylla khlem yoh namo u khlem paan chwa ya ka mynjur na ka Council.

Ka Executive Committee da chong yalang ko ynne ka sngi, wei da chim ko ya kani ka rai wow thoh cha ka sorkar jylla wa ymye ko u leh ya ini khlem da mynjur ka Council kawa pait ya ka khyndaw ka chyiap.

Advertisement ad1

U CEM ka KHADC u Pynshngain N Syiem da ong u wa katkam ka 6th Scheduled wei kamjooh ka aiñ Land Acquisition and Rights to Fair Compensation Act 2013 ka sorkar pyrdi da klam che ko wa ka emkaam u yoh mynjur na ka Council.

Da ong u leh waka Council daw yaklam chwa ko wa ki tre thaw chwa wow e NOC ko wei da mih i eh i khoo nachwa toh du neidaw wa ka sorkar jylla da soi soskular bait ko khlem yoh mynjur na ki tre thaw wa naka Council.

Hei yatoh wow e kti ya ki paar mooyong paar moochuni wow tih da ka Meghalaya Mineral Development Corporation (MMDC), ka KHADC ka daw yieñ pyrchah ko yeini neibhah daw ktah ya ki hok i mantre ki bru katkam ka Sixth Scheduled ka riti synchaar ka ri.

Hei yatoh wa i tuklar ka MUDA, u Pynshngain da ong u wa ka Council da dep ujor ko cha ka Supreme Court wow pynmih ko ya ka hukum wa chipor wow pynneh ya ki bor yong ki Rangbah Shnong wei ka Council dang pynkhreh ko ya kiwa emkaam wow ujor pyrchah ya ka ujor yong u Tirot Sing Syiemlieh ha High Court Meghalaya kawa elaad ya ka MUDA wow wow psiah ko cha u pood u ang ka Sixth Scheduled.

Ka Council da rai ko leh wow pynkrehkaam yei wow su tulop thymme ya ki wa kreh chisien wa da pynkrehkaam ka sorkar ya ka 5th Pay Commission.

Da pyntip u leh wa da pynhiar ya ka snem kreh wow yoh baam tymmen na ka 33 snem cha ka 30 snem iwa mut wa kiwa da kreh 30 snem u yoh ki ya ka bai baam tymmen wa pura.

Advertisement ad1

0 Comments

Leave a Reply