July 22, 2021

Da thung ya ki ar MDC kam ki Vice Chairman ki Committe hapoh ka JHADC

by Wyrta Staff

Advertisement ad1

Ynne ka sngi ha ka Dorbar L’yur ka JHADC, u CEM ka Council u Thombor Shiwat da wanrah u ya ka bui krehkaam yong ka Council heiwa da pyntip u wa da thung ya ki ar ngut ki MDC, u Krison Langstang wa u Dawan Lyngdoh kam ki Vice Chairman hapoh ki Committee ka Council.

Kam wow kdaw heini, u Krison man u kam u MDC ka BJP wei katkam ka yutip wa da yoh u Dawan won da mih u na ka BJP wei da psiah noh u cha ka seiñ UDP, ha kini ki por wa dadep kini ki ar ngut heipor wa dang em ki ha ka BJP da em ki ha ka liang pyrchah hapoh ka Yung Dorbar katwa katni won da kyrchaan noh ki ya ka liang synchaar hapoh ka Council.

U MDC na Sumer, u Krison Langstang da thung ya oo kam u Vice Chairman ka Planning Board nadooh ka 08-07-2021.

Ya u MDC ka Mynsngat-Khanduli, u Dawan Lyngdoh da thung ya oo kam u Vice Chairman ka Public Grievances Committee nadooh ka 13-07-21.