theme-sticky-logo-alt
theme-logo-alt
Advertisement ad1

Hiar lai pait u Sniawbha ya ka Marten

Advertisement ad1
Advertisement ad1

Ka Seng Samla Mawlai Pyllun ynnin ka sngi da khang ko ya ka Marten, neidaw wa hadien wym mano ka sorkar yei ood ki paidbah wei neiliang ka sorkar ynnin i janmiet da hap khut yaklam ko ya ki dkhot ka SSMP neibynta wow yoh biang u noh-jhep ha ini i thaw. 

Ynne ka sngi neiliang u Montri wa pait ya i kaam pynroi sor wa ka Municipal, u Sniawbhalang Dhar da lai pait u ya ini i thaw noh jhep iwa em ha Mawlai Mawiong hei emlang u MLA ka Mawlai, u Process T Sawkmie, u MDC Teiborlang Pathaw, ki sahep ka Shillong Municipal Board, kiwa kitkaam chnong ka Mawlai wa ki dkhot SSMP.

Advertisement ad1

U Sniawbhalang Dhar da kular u wow khut yaklam biang ya ka Seng Samla ha ka 3 Naisaphra wow pyndooh ya i eh i khoo wa yatoh wa ka Marten, neiliang u President ka SSMP da kyntu u wow chna da kawi ka Committee kammon wow yoh u ya phyllu yumut. 

Heiyatoh wa i theh ya ki jhep na ki thaw sumaar namo ki Bio Medical Waste da bood ya ki kyndon ka State Pollution Control Board, wei ya iwon iwon i duna neiliang u montri da ong u wa ka sorkar daw pynbait ko yeitæ. 

U MLA, PT Sawkmie da kyrpaad u leh ya ki chnong wa ka sorkar u thooh thaw ko deiwa thymme wei wow yakrehlang ki wa ka sorkar neibhah wa hadooh katni ka sorkar da jied ko ya ki thaw tangwa da mih bait i pyrchah. 

Share this:
Previous

Da thung ya ki ar MDC kam ki Vice Chairman ki Committe hapoh ka JHADC

Next

Da pynthymme ya i dor phniang-charak ha East Jaiñtia Hills neibynta u Naiynñiaw