Uwa yahkhmat ka Meghalaya Pradesh Trinamool Congress Legislature Party, u Dr. Mukul Sangma da ong u wa ka rukom lai yaklam yasuk waka HNLC da pynkhuslai i ya oo wa ye u mih i dooh yei chaniah kawa ye u wanrah biang yei eh hadien habood kamwa da man heipor wa yaklam waka ANVC.
Da ong u wa waroh ki ujor namo ki Case pyrchah ya ki dkhot ka HNLC ya katni toh u pyndam chwa hadien wa da dep yasoi mynjur wow klam yasuk noh.
U Dr. Mukul da ong u ya ini hawa kylli hajrong i khut hajir yong ka Special Court ka National Investigating Agency (NIA) ya 4 ngut kiwa hakhmat ka HNLC.
Da ong u wa ka sorkar toh u klam che ko hajrong kiyi ki kyndon wa pynlai yei yaklam yasuk, wei da ong u leh wa ka sorkar jylla toh u ya pynbait bha ko waka sorkar India, neibhah kam kini ki yaklam du ka sorkar jylla wa ye wow chim rai.
Uwa yahkhmat ka Liang Pyrchah da ong u wa nadooh ki por wa yahkhmat u ya ka sorkar da chimpor bha wow yaklam pynbait waka sorkar India, wei da booh u ya chiboon ki yukylli ya ka sorkar jylla ileh wym yaklam ko waka sorkar India ya ki kaam kiwa khian lane ki Case kiwa ye wow pynwiar luti yei yaklam yasuk.
