Da tlep emwarom ya u sahep IPS wa nyngkong ka jaitbru Garo

Ynne ka sngi da tlep emwarom ya u Skylance G. Momin ha Tura Baptist Church, Mission Compound heiwa da wan chimbynta da kiwa boon wow e khublei khaddooh ya u sahep IPS wa nyngkong ka jaitbru Garo.

Ha kani ka sngi da pyndep ya ka Guard of Honour hei emlang u Chief Minister, u Conrad K. Sangma, u Leader of Opposition, u Dr. Mukul Sangma wa kiwi.

U Skylance toh uwa 82 snem, wei toh uwa nyngkong na ki Garo wow man sahep Meghalaya Police Service (MPS) wei uwa nyngkong wow chah Nominate kam u Indian Police Service (IPS).

Da embynta u wow klam yasuk wa ka Achik Liberation Matgrik Army (ALMA) yow wanrah yei chongsuk hapoh ka ri-loom Garo.

Related posts

Kyi ko dei khlieh wei kyrngah ko dei tdong, ong u MP warim ya ka BJP

October 26, 2026

Da 1,65,682 ngut hiar kiwa thap Vote ha Meghalaya hadien wa pyndep ya ka SIR

October 26, 2026

Da embynta u wow sdang ya ka Council of Nokmas wei da yoh u leh ya ka Pa Togan Sangma Award wa kiwi de.

Chooh chooh da embynta u wow sdang ya ka 100 Drums Wangala Committee wa kiwi ki kaam hadien wa chong-ngiah u kam u sahep pulit deiwa pynku ya ka imlang sahlang.