Neiliang u Symbood Montri Rangbah ka jylla uwa man leh u Vice President ka NPP, u Prestone Tynsong ynne ka sngi da ong u wa da toh i por wow pynku kyrdan noh ya u Lamphrang Blah neibhah wa da man u uwa biang, wei ki paidbah da tip bha ki wei da pynjop ki oo kam u MDC hadooh 4 sien neibhah wa em u i sap.
Chooh chooh da ong u wa ha ka synchaar khadar ym jooh em itæ i sñiaw wyrai, wei lada kamtæ, dieh lai cha yung neibhah wa boon ki paidbah jooh chah yah bakla ki kam ha ini i por.
Da ong u leh wa u Lamphrang uwa da jooh jop kam u MDC la 4 sien iyi u eh lada lai noh u cha ka yung dorbar chna aiñ ka jylla wei iyi u eh lada lai choh dwar u ha Secretariat neibynta ki Scheme, deiwa ong leh wa i por da em sadu chi snem tam wei du wow thooh ya ka dwar ha Secretariat da chimpor chwa 6 bnai khlem yoh Scheme.
Heijooh i por da kyntu u ya kiwa chong chnong wow jied ya u Lamphrang wei u Prestone daw lai thooh u chirup ya ka dwar ha Secretariat wow suk ki paidbah.
