Ka National People’s Party (NPP) ynne ka sngi da pynskem ko da u Lamphrang Blah kam u kyrtong wow yakhun ya ka Election chiteiñ samoi na Mawphlang Constituency ka wow man ha ka 30 tarik uni u bnai wei yeini da pynbna da u President ka NPP Meghalaya, uwa man leh u MP cha Rajya Sabha hei emlang u President Rangbah ka NPP, u Conrad K Sangma uwa man leh u Montri Rangbah ka jylla, u Symbood Montri Rangbah uwa man u Vice President, u Prestone Tynsong wa kiwi kiwi.
Hawa klam ha ka yalang wa da man ha Mawphlang ynne ka sngi, u Lamphrang Blah uwa da dep jop hadooh 4 sien kam u MDC ka Mawphlang-Diengiei na ka Congress.
U Lamphrang da ong u wa i daw wa da psiah wow yakhun noh u na ka NPP toh wa ki heh ka Party toh kiwa chakri ya ki paidbah deiwa bha tam, wei da pynrap u leh wa i kaam yong oo toh wow pait ya kiwa chong chnong u yoh ki yei kylla neibhah wa kam u MDC chem chitom u wow chakri hawa yoo u yeiwa duna.
Da ong u leh wa sñiaw sarong u wa ka NPP kawa man ko ka National Party kawa na ka jylla wei da ong u leh wa ym em i pyrchah yeiyi yeiyi wei i yakhun na ka NPP toh neibynta wow chakri rap miat ya ki paidbah.
