Ka Congress Party da rai ko wow pynyieñ da u sahep wa jooh man kam u sahep Meghalaya Civil Services (MCS), u Laben Ch Marak yow yaleh pyrchah ya u Montri Rangbah ka jylla, u Conrad K Sangma na South Tura Constituency neibynta ka Election MLA 2023.
Ya u Laben da jied na kiwi ki arngut kiwa paan Ticket, kitæ u Brenzield Marak wa u Sanjiv Sangma.
U Laben Ch Marak uwa em 44 snem i rta da psiah u hapoh ka Meghalaya Police Service (MPS) kam u DSP ha u 2010 wei hadien da yaleh MCS u ha u 2012 wei da man u kam u EAC ha Ampati wei hadien kam u BDO ka Rongram Block.
Da ieh u yei kaam kam u MCS ha u 2017 wei da yaleh Election MLA u kam u kyrtong samen ha u 2018 na Dadenggre Constituency pyrchah ya u MLA wa katni, u James Sangma.
Ha u 2003 leh da yaleh MLA u na Rangsakona khlem yoh yei jop.
