Uwa rwai wa pawnaam ka USA, u Post Malone daw wan tem u ha Guwahati ha u Kmaichonglad (Dec) uni u snem, da pynbna u Chief Minister ka Assam, u Himanta Biswa Sarma ynne ka sngi kawa man kam chibynta ka Policy yow pynemkaam da ki Concert yow pynku ya ki kaam uiñke suwari hapoh ka jylla.
Da e nongmuna u ya ka Meghalaya kawa da pynman boon ki Concert deiwa wanrah bru na baar ri heiwa da yoh myntoi bha deiwa kdaw leh yei wan ki Coldplay ha Ahmedabad heiwa da pynmih poisa ₹600 klur ya ka jylla Gujarat.
Da ong u wa kani ka Policy wow pynman Concert da em ko leh hapoh ka mang tangka uni u snem wei da mynjur leh wow leh yeini ynne ka sngi ha ka yalang ki Montri sorkar.
U Himanta da ong u wa da jied ya ka Guwahati, Jorhat wa Dibrugarh yow pynman Concert wei u Post Malone daw tem u ha ka Concert wa nyngkong ha Guwahati ha ka 8 tarik u December. “Ka Assam da chah ieh dien ko ha kani ka Concert Tourism wei da kani ka Policy wa thymme daw ye wow yakob wa ka Meghalaya.”
Kam wow pynkynmoo wa u Post Malone da wan nyngkong u ha Mumbai ha u snem 2022.
Discussion about this post