Da wai noh ya ka yung krehkaam ka PWD(R&B) Mechanical Division, Jowai hadien 14 snem

Jowai: Ynne ka sngi hadien 14 snem nadooh wa sdang wow chna ya ka yung krehkaam ka PWD(R&B) Mechanical Division, Jowai da wai ya ka ynne ka sngi ha ka yalang heiwa u montri wa pait ya ka PWD (B), u Comingone Ymbon da man u kam u kongsan hei emlang u MLA ka Jowai, u Wailadmiki Shylla kam u symbood kongsan.

I kreh ya kani ka yung krehkaam da sdang ha ka 1 Naichiphaw 2004 hei lut wa kamwa palat T. 32 Lak.

Ya kani ka yalang da pynlai da u R. Blah wei da yoh yei klam na u Executive Engineer ka PWD, Jowai South Division u D. Langstang uwa da kyntu ya ki contractor wow kreh chitom weiwa ki sahep leh emkaam wow pyntikna ki wa iwon iwon i kreh ymtoh u man ki kiwa sahteiñ.

Kam u symbood kongsan u Wailadmiki hawa e i klam da ong u wa e wa kani u man ko ka nongmuna ya waroh, neibhah i slem wow dep u chna ya kani ka yung da ktah ko chiboon ya ki paidbah katwa kamtæ emkaam wow man kiwa tista wa kiwa kreh chitom la heiwon iwon i liang.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

U Comingone hawa e i klam kam u kongsan da ong u wa kam u montri hawa lai cha kiwon kiwon ki yung krehkaam ymtoh u man kiwa leh heh, wot ya kiwa kreh party leh emkaam wow man ki kiwa em akor, wei ki sahep leh emkaam wow man ki kiwa kreh chitom wei wow leh yeiwa emkaam.

Da ong u leh wa ka sorkar em ko ha i chitom poisa, tangwa emkaam wow man ki kiwa kreh chitom deiwa kyntu ya ki sahep wa kiwi kiwa kreh ka chnat wow pyrchang wow wan biang por cha Office wei wow kreh yeiwa bha tam.

Ya kani ka yalang da pynkut da ki kyntien e khublei na u Executive Engineer ka Mechanical Division, Jowai, u H. Siangshai.