Da wai ya ka Chief Minister’s Civil Services Fellows ya kiwa kwah u man IAS

Shillong: U montri rangbah ka jylla, u Conrad Sangma ynne da sdang u ya ka Chief Minister’s Civil Services Fellows (Scholarship kawa T. 1 klur neibynta ki 100 ngut ki khynroo khyllood) kiwa kwah wow man IAS na Meghalaya wow chah sikai ki ha ka ALS IAS.

Ka ALS IAS toh ka IAS Coaching Network kawa heh dooh ha ka ri kawa em 75 tylli ki center ha kylleiñ ka India wa kynthup 30 ha ka thaaiñ mihsngi heiwa hadooh katni 2837 ngut da chah jied ki ha ka UPSC wa kynthup ya 154 ngut u snem wa dadep.

Ka ALS da jooh ekti leh ya ka wow pynman ya ka IAS Training na ka sorkar Arunachal Pradesh, Tripura, Mizoram wa Manipur.

Neiliang u National Sales Head ALS, u Prateek Bhattacharya da pynbna u ya ka Scholarship wa T. 1 klur neibynta ki 265 ngut hapoh ka ALS CSR neibynta ki khynnah ka jylla.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Da pynbna 365 ngut kiwa kwah wow man IAS na Meghalaya wow yoh ya kani ka Scholarship.

U Conrad da pynbna u wa i jied ya ki 100 ngut ki khynnah hapoh ka Chief Minister’s Civil Services Fellows u man ko katkam i bhah Meghalaya Reservation Roster List wow elaad ya ki khynnah na ri-loom Khasi, Jaiñtia wa Garo.

Ka Scholarship Exam daw pynman ya ka ha ka 15 Naikhynde uni u snem ha man la ki District Headquarter ka Meghalaya hapoh i pynlai u Deputy Commissioner.

Ya ki Application Form daw pynlait ha ka 4 tarik Naikhynde ha waroh ki yung krehkaam ki Deputy Commissioner wei ka tarik khaddooh wow pdiang ya ki form toh ha ka 12 u Naikhynde katwa ya ka result u pynbna ha ka 22 u jooh u bnai wei ki Batch u sdang ki ha ka 30 tarik.

Kiwa chah jied na Khasi/Jaiñtia Hills u chah sikai ki ha ALS IAS Shillong katwa kiwa na Garo won ha ALS IAS Tura deiwa pynemkaam ya ka stat VSAT Technology heiwa daw e LIVE Transmission ya ki class na ALS Delhi Campus.