Kam chibynta wow pynku ya ki kaam yaleh Sport wa ki kaam uiñke suwari hapoh ka East Jaiñtia Hills District, ynne da wai ya ka San Shnong Secondary School Futsal Football Ground ha Mukhaialong wa em hapoh ka Wapung C&RD Block kawa da pynlut napoh ka District Mineral Foundation (DMF) Fund.
Ya kani ka madan da wan wai da u Montri ka chnat Tourism Minister, u Paul Lyngdoh deiwa emlang u MLA ka thaaiñ uwa man leh kam u Montri sorkar, u Kyrmen Shylla, u MLA ka Ranikor, u Pius Marwein, u Deputy CEM ka Jaiñtia Hills Autonomous District Council (JHADC), u Lasky Rymbai, u Block Development Officer, Wapung C&RD Block, u Dr. T. Shylla, ki waheh chnong ka thaaiñ San Chnong, kiwa sikai skur, ki khynnah skur wa kiwa chong chnong.
U Paul hawa e yei klam da pynbna u leh wa da pynlait ya ka poisa yow pynchna pynmiat ya ki thaw uiñke suwari ha East Jaiñtia Hills District wa kynthup ya ka kchaaid Umbyrleiñ hei lut wa Rs. 5.79 klur, ka kchaaid Rynji hei lut wa Rs. 9.64 klur, neibynta ka kachaaid Moopun Rs. 6.44 klur wei neibynta ka Sahksaw won Rs. 8.38 klur kiwa dapoi waroh Rs. 30.25 klur.
Neiliang u Kyrmen da yaroh u ya ka San Chnong Welfare Association kawa da pynku ya ki kaam uiñke suwari deiwa ban joor yei emkaam u ya krehlang yow wanrah ya ka roi ka paar hapoh ka District.
Discussion about this post