Ka madan Futsal wa nyngkong ka Saipung da wai paidbah ka ynne ka sngi da ka MLA ka Sutnga-Saipung, ka Santa Mary Shylla kawa da chna dei pynlut napoh ka District Mineral Foundation (DMF) Fund.
Ka Santa hawa e yei klam da ong ko wa ka sorkar deilang ki bor District da yalehbha ki wow pynlut yow chna ya ki thaw yalehke neibynta i myntoi kiwa chong chnong, kamtæ da kyntu ko wow syndong wei wow sumaar ya kani ka madan deiwa yoh leh u pynemkaam da waroh.
Da ong ko leh wa dang emkaam wow chna chiboon kiwi ki thaw yalehke yow pynchlur wei wow yarap ya kitu kiwa em yei sap yalehke.
Da khana ko leh ya kiwi de ki kaam wa da wanrah ka sorkar nadooh wow pynku ya ka puræ puthi, u pynmiat ya ki thaw sumaar wa kiwi de najrong wa chna pynmiat ya ki sarok deiwa pynbna leh daw chna pynmiat noh ya u sarok na Sutnga cha Saipung deiwa yooluti wow sdang i kreh ha kini ki 4-5 bnai.
Discussion about this post