15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da wai ya ka Rising Hills English School ha Mowtyrshiah

0 Comments
Advertisement ad1
Advertisement ad1
Advertisement ad1
Advertisement ad1

Haka 29 Thohlakhmi da wai pynemwarom ya ka Rising Hills English School Mowtyrshiah ka skur kawa dang sdang ha uni u snem wow e hikai ha ka English Medium.

Ha kani ka sngi u Richard Uriah, Principal, North Liberty Higher Secondary School, Jowai da man u kam u kongsan.

Hei klam, u Richard da yaroh u ya ki dkhot ka SMC kani ka skur wa chynna jngai ki wow sdang ya kani ka skur khamtam leh ya u Winning  G Sungoh wa da e sñiawbha ya ka yung wow pynman ya kani ka skur deiwa kular leh wow kreh lang wa kani ka skur ryngkat wa ka North Liberty HSS, Jowai.

Da ong u leh wa kani ka skur daw man ko ka jooh ka kyrdan (Standard) ha waroh ki liang deiwa kular u leh wow wan man ki por cha kani ka skur wow e hikai hadooh ka Computer wa kiwi kiwi heiwa da khana u leh ya i eh wa chem u heipor was dang ya ka North Liberty HSS.

Ha kani ka sngi da emlang leh u Winning G Sungoh MDC ka thaaiñ uwa man leh kam u Chairman yong ka SMC uwa da ong u wa i thmu wa kongsan wa seiñ ya kani ka English School toh wow pynku ya i puræ puthi ha kani ka thaaiñ wa dang duna ki skur wa sikai dei English.

Da ong u leh wa lyngba kani ka skur u yoh laad ki wadooh waduk u puræ ha ki skur English khlem lai cha jngai deiwa yaroh kylliang ya u wabu Richard Uriah wa da kreh neibynta ka puræ puthi ha ka Ri-loom Jaiñtia.

Ha kani ka sngi da yoh leh i klam na u Habahun Dkhar, MDC Sahsniang; u Hamly Dkhar Waheh Chnong ka Mowtyrshiah hei emlang leh u Waheh Chnong ka Mowtyrshiah-B, ki Secretary Chnong wa kiwi kiwi.

Ya kani ka yalang da pynlai da u Pastor Arkirang Shadap katwa ya ki kyntien e khublei da e da u Goldwin Shadap Secretary ka SMC.

Share this:
Previous

Da u Dr. Kharlukhi jied ka MDA kam u kyrtong MP Rajya Sabha

Next

Wan ki 110 ngut ki pulit ka RAF ha Shillong; ood kiwa dai madan