15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wan ki 110 ngut ki pulit ka RAF ha Shillong; ood kiwa dai madan

0 Comments
Advertisement ad1

Shillong: Hadien wa da bichaar bniah yei man i long ha nongbah Shillong, ynne ka sngi leh da pynyinsur ya ka Curfew ha Khyndelad wa ki bynta chadooh Anjalee wa ki khap ka Iew Mawlong da 4 kynta, katwa ha ka thaaiñ Motphran wa Iewduh won ympu chah wow pyn man yaaw.

Hadien wa pynmih ya ka hukum wa da pynyinsur ya ka Curfew nadooh 12:00 i sngi hadooh 4:00 i janmiet, neiliang ki paidbah kiwa chong dai ha Iewduh wa Motphran neidaw wym yoh ware ki yei pynche da ku ki cha ka thaaiñ Mawkhar dei thmu wow lai cha ki kaam yong ki tangwa manda poi ha Mawkhar YMCA da shah ksoh ki ha ki bor pynlai District wa ha ki pulit wow khang ya ki wow lai chakhmat neibhah wym em u pynlait ya ka Curfew ha kini ki thaw.

Hadien ini neiliang ki paidbah wa lai  cha Motphran, da em leh kiwa pynsñiaw yei chrai hajrong i pynyinsur ya ka Curfew du ha Khyndelad deiwa ong, neiyi i daw wa pynyinsur du ha Khyndelad deiwa ong leh ‘Ileh i ym thngan i’?

Manda dep pynbait wei klam sñiawthooh wa ki Magistrate, kini ki paidbah da liwan noh ki na ka thaaiñ Mawkhar, wei da em leh ki kattu katni ngut kiwa da phlai mar wow dai ha Mawkhar, YMCA wei da em leh kiwa da lai chong dukan noh cha ka thaaiñ Anjalee Pump wa Umshyrpi.

Hawa lai pait won cha Khyndelad da sakhi yei pynjoor i sonteri da ki pulit Rapid Action Force (RAF) kiwa em 110 ngut wa kiwa da wan cha nongbah Shillong wow yarap ya ki pulit ka jylla.

Kini ki pulit kiwa da wanrah kyrpang na Delhi da pynemkaam ya ki wow sonteri ki ha ki bynta ka Khyndelad wa ki bynta ka Motphran.

Hawa pait won yei man i long i khayi pateiñ ha Khyndelad da sakhi wa ki dukan heh man ki kiwa khang, tangwa kiwa dai madan won da mih rap boon ki wei ki kari kiwa lai leh man ki kiwa duna hawa wyrchaw wa kiwi tawon ki sngi.

Share this:
Previous

Da wai ya ka Rising Hills English School ha Mowtyrshiah

Next

Noh ka sorkar MDA yei naam wa bha ka jylla cha dooid: Dr. Mukul