U Montri Rangbah ka Meghalaya, u Conrad K Sangma ynne da wai u ya ka thaw yow chna ya ki LED Bulb kawa tip kam ka LED Bulbs Assembling Unit kawa em ha Hawakhana, Tura.
Ya kani ka thaw wow pyndait ya ki bynta kini ki Led Bulb da leh hapoh i yahkhmat ka GHE Impact Ventures Pvt Ltd kawa da yoh yei kyrchaan na ka sorkar jylla.
U Conrad hawa wai ya kani ka thaw da ong u wa kani man ko kam chibynta wow lai chakhmat wow pynemkkaam da ki mar ki wym pynkhia yei yei emkaam bordiñ.
“I da pynchlur i wei da yaleh i wow wanrah yei laad yow pynemkaam da ki mar kiwa khooid ki wym ktah ya ka rymaw”, da ong u Conrad deiwa pynrap wa kani ka LED Assembling Unit ha Tura toh kawa nyngkong dooh hapoh ka jylla wei daw sdang ka leh cha kiwi ki thaw.
Da kyntu u ya ki paidbah ka Meghalaya wow pynemkaam ya kini ki Bulb wa da pynmih hapoh ka jylla deiwa booh ki ha ki yung ki sem wa ki thaw kreh yow pynchlur ya kiwa seiñ khih.
Waroh da em 85 ngut ki chynrang wa khynthai kiwa da kreh waka GHE Impact Ventures ha kani ka Assembling Unit.
Discussion about this post