U Montri ka chnat Animal Husbandry & Veterinary, u A.L. Hek ynne da wai u ya ka thaw choh doh wa tip kam ka Modern Bi-Species Abattoir kawa em ha chnong Demthring, West Jaiñtia Hills District deiwa emlang u MLA ka Amlarem, u Lahkmen Rymbui, u MLA ka Jowai, u Wailadmiki Shylla, u Dr. HK Marak, Director AH &Veterinary Department, u Dr. D.I. Kjam, District Veterinary Officer, Jowai wa kiwi de.
U A.L. Hek hawa e yei klam da sñiaw skem u wa deiwa wai ya kani ka thaw choh doh daw pynman ko yei ah yei doh hei rukom wa khooid, kamtæ da kyntu u ya kiwa dai doh wow man ki kiwa leh khooid deiwa pynrap wa ye u em i thut heini heitai heipor wa sdang tangwa ban joor u wa emkaam u man kiwa em kyrmen ha ini i lai luti.
Neiliang u Deputy Director, (Planning) Directorate of AH & Veterinary, u Dr. WMW Khongwir hawa e yei klam maitphang da ong u wa kani ka thaw choh doh ye ko wow pyndep 50 tylli ki masi wa 100 tylli ki sñiang ha ka chi sngi.
Da khana u leh wa i kreh ya kani ka thaw da sdang nadooh u snem 2014 wei ya kani ka thaw choh doh da pynkhreh wow chna ya ka nadooh u snem 2012-2013 deiwa e yarap poisa ka National Agricultural Bank for Rural Development (NABARD) hei lut wa Rs. 7.83 klur.
Da yoh leh yei klam na u Lahkmen Rymbui wa u Wailadmiki Shylla neitæ u Limba Dkhar, President ka Jaintia Cattle Butchers’ Welfare Association, u Boldness Ryngkhlem, Secretary ka Sein Ki Nong Ah Doh Sñiang Jaintia Hills wa na u Elword Ryngkhlem, Waheh Chnong ka Demthring.
Ya ka yalang da pynlai da u Dr. H.K. Marak, Director AH&Veterinary, Meghalaya Shillong wei da yoh ya ki ktien khublei na u Dr. D.I. Kjam.
Discussion about this post