Hadien wa ynne ka sngi da smai ki arngut ki MLA wa kyntup ya u Dasakhiatbha Lamare wa u Renikton Lyngdoh Tongkhar kam ki Montri hapoh ka sorkar MDA, da pynbna leh yei yabhah kaam (Portfolio) hapyrdi ki Montri ka sorkar.
U Dasakhiatbha Lamare u ksoh u yaka chnat Fisheries, General Administration Department waka Public Works Department (Building). U Renikton Lyngdoh Tongkhar u ksoh u yaka Legal Metrology, Public Health Engineering waka Secretariat Administration Department. Ki chnat sorkar wa jooh ksoh ki Montri wa da kylliang ki.
U Lahkmen Rymbui u pait u leh saka District Council Affairs nalor ka Education waka Home.
Yaka Food Civil Supplies & Consumer Affairs kiwa jooh ksoh u James Sangma u lai noh ko cha u Prestone Tynsong. Katwa yaka Forest & Environment Department u lai noh ko cha u James Sangma.
Yaka Urban Affairs & Municipal Administration da e cha u Sniawbhalang Dhar katwa u Hamletson Dohling da yoh u daka Community & Rural Development waka Soil & Water Conservation Department.
U Kyrmen Shylla da e ya oo wow pait yaka Excise Department katwa u Banteidor Lyngdoh u pteiñ u wow pait yaka Agriculture & Farmer’s Welfare, Horticulture, Sports & Youth Affairs waka Textile Department.
Kiwi ki Portfolio yong ki Montri wa kynthup ya u Montri Rangbah man ki kamni ha wah:
