Dadep yoh bor na ka sorkar pyrdi yow ah ya ki dieñ yow chna ya ka Shillong Ropeway

Heiyatoh wa ka mukotduma PIL wa da yaleh wow pyrchah yei chah ah ki dieñ ha thaaiñ Lawsohtun kam chibynta wow chna ya ka Shillong Peak Ropeway Cable Car Project, da e jubab hapoh ka High Court ka Meghalaya wa da leh yeini hadien wa da yoh bor na ka sorkar pyrdi wei kini ki dieñ toh kiwa em hapoh ka khloo ka Raid Laban wei da pynkreh yeini i kaam da ka chnat Tourism.

Hawa chong bichaar yeini da u Justice I.P. Mukerji, Chief Justice wa u W. Diengdoh, Judge, da ong wa kawa yaleh mukotduma ye ko wow jubab ya kani ka Report wa da booh ka sorkar jylla hajrong wa da yoh bor wow leh yeini.

Neiliang u muktiar kiwa yaleh mukotduma da ong u wa lada ka sorkar ah dieñ ko ha iwon iwon i thaw da hap ko wow thung dieñ yow su kylliang tangwa ini toh iwa duna bha wa da leh ha Meghalaya hawa nujor wa kiwi ki thaw hapoh ka ri.

Kamtæ da ong u wa lada e bor ka sorkar pyrdi wow leh yeini da toh wow thung pyn hajan kani ka thaw wa chna ya kani ka Ropeway wei ymtoh cha ka thaw wa em cha jngai neibhah ka thaw wa chah ktah toh kani kawa chah ah ki dieñ.

Related posts

Pynbna ka seiñ na Assam da ka Total Non-Cooperation hadien wa da sdang i pynthut yei lai ki kari Tourist

September 16, 2025

U e u Wailadmiki ya ka tulop wa nyngkong kam u Montri sorkar cha ki thaw ri khonswet

September 16, 2025

Neiliang won u muktiar ka sorkar da ong u wow thung pyn ha kani ka thaw wa em i kreh toh iwa eh neidaw wym em thaw wow leh yeini.

Ka High Court da phah ko ya kini ki muktiar ki ar liang wow jied kawi ka sngi wei wow lai pait ya ini i thaw wei wow e Report kammon iwa ye u leh yow thung dieñ pyn hajan kani ka thaw wa chna ya ka Ropeway.

Da phah leh ya ka sorkar wow pynbiang ko yei lai i wan wa i thaw chong-ngiah iwa chipor deiwa pynbiang leh i ja sngi ha yung ka sorkar næ Guest House kiwa em hajan kani ka thaw.