Dam ka MCTA wow embynta ha ka lehkmen Teachers’ Day ynne ka sngi

Shillong: Hawa waroh kawi ka ri da lehkmen ki ya ka Teachers’ Day, ki dkhot ka Meghalya College Teacher’s Association (MCTA) da rai ki wow dam u chimbynta ha kani ka sngi deiwa dieñ that yong wei da pynman ki ya ka yalang ha jar jiar ki College yow yaklam yei chitom wa chem kiwa sikai kam i yakrehlang hei yakhih ka AIUCTO wa ka FEDCUTA heiwa ka MCTA man ko leh kam ka dkhot.

Kini ki seiñ ha kini ki 6 bnai wa dadep da pynman ki i yakhih wa da e pyrtuid kam ka ‘Justice Day’, ‘Demand Day’ wa ka ‘Black Day’ yow dawa na ka sorkar yow pynku ya ka tulop wa kiwi kiwi de wa emkaam ki.

Ha Delhi won ynne, ka yakhih da pynman heiwa kiwa sikai toh wow lai e kti ha ki pulit wow kem ya ki (Jail Bharo Andholan) heiwa da ki hajar ngut kiwa sikai da lai pyndem ki ha khmat ki pulit ha Parliament Road Police Station yow ap ka sorkar yeiwa dawa ki.