Dang du 13 tylli ki Trading License wa thymme e ka KHADC: CEM

Ka Khasi Hills Autonomous District Council (KHADC) da e ko hadooh 13 tylli ki Trading license cha ki baar jylla wow krehkaam ha u pood u ang ka Council nadooh u Wisu (March) 2025 hadooh kattæ.

Hawa jubab yeiwa kylli wa da wanrah da ka MDC ka Liang Pyrchah na Nongshken, ka Grace M Kharpuri, u Chief Executive Member, u Winston Tony Lyngdoh da ong u wa ya ki Trading License da e cha ki baar jylla kiwa chong wa sah ha kani ka jylla, tangwa ha ki kaam wa ki tre chnong ym ye ki wow kreh wa kynthup kawi ha Iewduh kawa man ka dukan juti kawa da em chwa.

Da ong u wa ka Trading License man ko ya ki kaam wa heh, wei kawa hap thap Tender heiwa da kylli u wa lada em ki tre chnong kiwa thap yeini i kaam wei lada em daw thoh u cha u cha ka chnat wa toh u e wai chwa cha ki tre chnong.

Hawa jubab chooh chooh yeiwa kylli pynrap, u CEM da khana u wa du ha u March uni u snem da e 7 tylli ki Trading License wa du chipor wei manda dep ki yei kaam da liwan ki.

Related posts

Takit ki pulit yeiwa poor ha Social Media ya u khynroo ha Shillong uwa da slaitbor ya boon ngut ki kynthai | Ym bien ka kynthai u booh FIR

July 7, 2026

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

U CEM da pyntip u leh wa hadooh kattæ 1473 tylli ki Trading License wa da pynthymme wa 5375 tylli ki Trading License wa da e da ka KHADC wa kynthup ya 13 tylli wa da e da ka EC wa katni.