Shillong: Hawa pynneh yei rai ka party wow ieh noh ko ya i emlang yong ka chirup wa ka synchaar ka PDF ynne ka sngi, u Senior Working President ka UDP u Bindo M Lanong da ong u wa ka UDP ym kwah ko wow kreh wa ki bru wa baamtooh katwa kamtæ da duk ko u chim ya ka rai wow kyrsu thiah ya ki bru yei daw wow yut noh na ka PDF ha KHADC kawa yah khmat da u Pynshngain N Syiem kam u CEM.
“Dang lah u synchaar da ka Administrator Rule bar wow synchaar da ki bru wa baamtooh” ong u Bindo heiwa ya klam wa kiwa thoh khubor.
Hadooh katni, u Secretary wa rim ka KHADC u Welljune Syiemlieh da chah pynbaad u kam uwi na wa pynemkaam bakla ya ka piosa kawa da poi da ki klur wei da phah hajir ya oo ha ka Executive Committee (EC) hanlada da dep pynche u ha ka House Committee wa da leh u ya ki kaam waroh katkam ka hukum yong u CEM u Pynshngain wa u EM u Antonio War.
Ha iwi i liang, u President ka UDP u da ong u wa ka UDP da chna ko ya ka State Election Committee kawa da khlieh da u President heiwa da rai wa waroh ki MLA kiwa katni u man ki kam ki kyrtong ha ka Election wa daw pynman ha ka 2018.
Discussion about this post