Ka Achik State Peoples’ Front (ASPF) kam chibynta wow dawa pynman ya ka Tura kam ka Nongbah Tlang namo ka Winter Capital ka jylla, da pynman ko ya ka yalang ha ka 15 tarik uni u bnai ha Rongrenggre, Williamnagar, East Garo Hills.
Ha kani ka yalang da wan chimbynta da kiwa boon ngut ki paidbah ka East Garo Hills, kamjooh ki seiñbhalang na Williamnagar kiwa kynthup ya ka A-chik Progressive Approach (APA), Garo Hills Enlightenment Society (GES) wa ka Williamnagar Auto & Pick-Up Association.
Ha ka yalang, u Bernita Marak, General Secretary ka ASPF, da batai u yei myntoi wow yoh ki paidbah deiwa pynman ya ka Nongbah Tlang ha Tura.
U Roger D. Shira, President ka A-chik Progressive Approach (APA), da kular u wow krehlang wei wow kyrchaan ya ini i dawa katwa u Slang Goera Marak, President ka Garo Hills Enlightenment Society (GES), da yaroh u yei kreh chitom kiwa yahkhmat ka ASPF wa ka Garo Land State Movement Committee (GSMC) deiwa kular leh wow pynman ya ka yalang wa rap heh ha East Garo Hills District.
Da pynbna leh wa ka yalang wa bood u pynman ha North Garo Hills, wei ya ini da pynbna da u Balkarin Ch. Marak, Acting Chairman ka GSMC.
Discussion about this post