U montri rangbah ka jylla, u Conrad K. Sangma chirup wa u khlieh ka Coronavirus Task Force, u P. Sampath Kumar wa kiwi kiwi ynne da lai booddien ki ha Tura yei pynkhreh wow yakhun pyrchah ya u ka khlam u COVID-19 ha ri-loom Garo.
U Conrad da pyntip u wa em 300 tylli ki palong wa dang pynkhreh ha Tura.
Ka Guest House ka MBoSE, SMELC wa Isolation Ward ka Tura Civil Hospital u man ki kam ki thaw sumaar ya kiwa yoh ya u COVID-19.
Da pyntip u leh wa ka sorkar dang pynkhreh ko ya ka Full-fledged Testing Center ha Tura Civil Hospital, ka wow chimpor sa kattu katni sngi.
Da booddien u yei pynkhreh ha Tura Civil Hospital, deiwa lai pait leh ya ka thaw wa kyrpang wow khang kset namo Isolation Care Centre ha Civil Hospital.
Da pynman leh ya ka yalang wow booddien yeini chirup wa ki bor ka District ha Circuit House, Tura.
Da phah u leh ya ki bor ka District wow pyntikna wa ki mar wa emkaam namo ki Essential Commodities wow man ki kiwa dap neibynta ki paidbah.
“Ki paidbah yntoh u tieñsar næ hær’rngu ki wei wow yajngai iwi na iwi,” da ong u Conrad deiwa pynrap wa ka sorkar yaleh ko wow pynbiang u pyndap yeiwa duna.
Discussion about this post