Jowai: Katkam i yutip kawa da yoh naka ophis yong ka Jaiñtia Hills Autonomous District Council (JHADC) da ong wa hadien i iehkaam u ma Lait Sing Shylla kam u Chairman yong ka yung dorbar ka JHADC, hadooh ynne ya kani ka kaam dang sah thylli wei yei kaam pyllai dorbar hapoh ka JHADC dang pyllai da u symbood Chairman ka yung dorbar u ma Hoping Bareh.
Hei yatoh weini wa i ieh kaam da ong neiliang u Chief Executive Member u Thombor Shiwat wa ka Executive Committee yong oo hadien wa yoh ki yaka chithi ieh kaam u ma Shylla kam u Chairman yongka yung dorbar JHADC, da pyntip ki cha u Lat yong ka jylla yow booh tarik yow pynman ya ka Session yow jied ya u Chairman yong ka yung dorbar ka JHADC.
Tangwa hadooh katni neiliang yong u Lat ka jylla ympu e u yeiwon iwon i yutip cha ka JHADC wa mynnu u pynman yaka session wa kyrpang yow jied Chairman thymme ko.
Yaki session yong ka JHADC daw pyllai hi da u Symbood Chairman katkam ka khubor wa tikna wa pyllai ka JHADC.
Discussion about this post