U Montri Rangbah ka jylla uwa man leh u National President ka National People’s Party (NPP), u Conrad Kongal Sangma da ong u wa i klam wow emlang ki ar ngut ki MDA ka PDF cha ka NPP em hi i, tangwa hadooh katni ympu chim ya ka rai.
U Conrad da pyntikna u wa i yaklam hadooh katni dang lai i wa ki MLA ka PDF, tangwa ympu em u chim rai wei neiliang ka NPP daw yang ko hadooh wow poi i por wa rai ki.
Kam wow kdaw heini ha ka tayaaw wa dadep da poor ka khubor wa ki 2 ngut ki MLA ka PDF, u Banteidor Lyngdoh wa u Gavin Mylliem da pynkhreh ki wow em noh cha ka NPP chwa ka Election ha Sohïong wow pynkhlan chooh ya ka Party kawa yakhmat ya ka sorkar.
