U Montri Rangbah ka jylla, u Conrad K Sangma da pynsñiaw u wym emkaam wow yaklam de hajrong i pyndam ya ka aiñ yakhle namo ka Meghalaya Regulation of Gaming Act, 2021 neibhah i wanrah ya kani ka aiñ toh wow booh kyndon ya ki kaam yakhle kiwa da em chwa wei heijooh i por da pynsñiaw u wa ka sorkar jylla ym ye ko wow khang ya ka yathong Online.
Hawa yatoh wa ka yakhle Online, u Conrad da ong wa em ki chiboon ki yakhle Online kiwa da chna leh da ki App, kiwa boon na kini ki toh ki yakhle katkam wa em i sap namo ki Gaming Skills, heiwa da ong u wa kini daw pteiñ ki neibhah lada leh næ ym leh iyi iyi ka sorkar, næ la ki paidbah ki yaleh næ ym em, kini ki jait yakhle man ki kam ki mar wei da yalehke ha waroh kawi ka ri wa ka pyrthai.
Da ong u wa ka yakhle Online toh kawa lai ha waroh kawi ka pyrthai, neibhah ki em ki ar tylli ki yalehke yathong Online kawi toh kawa chong hei bhah i nasib katwa kawi won chong hei sap uwa yaleh, wei katni da emkaam ya ki kyndon aiñ wow pait kiwa kammon ki yalehke kiwa man bait kam ki yathong yakhle.
Da ong u wa ka yakhle deiwa pynemkaam yei sap namo ka Betting on Skills, ka sorkar India dang bichaar ko u pynbait, wei kiwa boon ki High Court da e laad ki wow yathong katkam i yoo biang lane i stat ha ka Betting on Skills. Da ong u wa ka yathong yakhle wa ka yathong hajrong i sap da kheiñ katkam ki jait yalehke.
