Dang yang ya ka Third Installment neibynta ka Scholarship yong ki 20,000 ngut ki wym pu em yoh

U Montri ka chnat Puræ Puthi ka jylla, u Rakkam A Sangma da pyntip u wa ka sorkar jylla dang yang ko yei pynlait poisa na ka sorkar pyrdi yow ye u pynlait ya ka Scholarship wa dang sahteiñ yong ki khynroo khyllood wa lai puræ ka jylla.

Hawa klam wa kiwa thoh khubor ynne ka sngi, u Rakkam da ong u wa ka sorkar jylla dang yang ko ya ka bhah wa le namo ka Third Installment yong ka poisa na ka sorkar India.

Katkam wa khana u Montri, ka sorkar pyrdi dadep pynlait ko hadooh ka Second Installment ya kawa dadep pynlait cha kamwa 40,000 ngut ki kiwa lai puræ, katwa ka bynta kawa le da yooluti wa daw e noh ym slem de neibynta ki 20,000 ngut ki wym pu em yoh Scholarship.

“Kamwa 60,000 ngut toh kiwa da toh hok u yoh ya ka Scholarship wei kamwa 40,000 toh kiwa dadep yoh wei kiwa dang sah toh sa 20,000 ngut hawah haneiñ”, da ong u Montri.

Related posts

Ki tre jylla toh u yoh nyngkong ki ha i kit i bah ya ki mar wa pynmih napoh jylla: MCTODA-JU

March 3, 2025

Ka dorbar wow wan u man ko ha ka yung thymme: Thomas A Sangma

March 3, 2025

Kam wow pynkynmoo wa ka yung krehkaam u Director of Higher & Technical Education ka sorkar Meghalaya da pyntip wa da pynlait ya ka Umbrella Scheme ka Post Matric Scholarship neibynta u snem 2023-24 kawa da e da ka Ministry of Tribal Affairs ka sorkar India.

Da pyntip wa ka poisa wa da yoh ka Directorate dapoi ko Rs. 1,08,98,79,947 yow su neibynta ka Scholarship wei na kani, Rs. 98,08,91,952 toh kawa wan na ka Ministry of Tribal Affairs kam ka bhah ka sorkar pyrdi wa Rs. 10,89,87,995 won toh na ka sorkar jylla kam ka bhah yong ka.

Waroh kiwa da yoh ya kani ka Scholarship da em ki 49,428 ngut.

Chooh chooh da pyntip wa ha ka First Installment da yoh Rs 42,32,13,280 heiwa na kani ka bhah ka sorkar pyrdi toh Rs. 38,08,91,952 katwa ka bhah ka sorkar jylla toh Rs. 4,23,21,328 wei na kani da su cha 17,364 ngut.

Ha ka Second Installment won da yoh Rs. 66,66,66,667 heiwa na kani, ka bhah ka sorkar pyrdi toh 60,00,00,000 katwa ka bhah ka sorkar jylla won dapoi ko Rs 6,66,66,667 wei kiwa da su na kani da em ki 32,064 ngut. Da pyntip leh wa dang em kiwa dang sah 27,272 ngut ki wym pu em su wei ya kini daw su mar ya yoh ya ka Third Installment na ka Ministry of Tribal Affairs wei neiliang ka chnat Education da booddien ko yeini yow pynlait smat ya kani ka bhah wa le.