U Symbood Montri Rangbah ka jylla, u Prestone Tynsong da ong u wa ka sorkar jylla dang pteiñ ko wow pynbor ya ka sorkar pyrdi wow pynkrehkaam ya ka Inner Line Permit (ILP) ha ka jylla Meghalaya, heiwa da ong leh wa u Montri Rangbah, u Conrad Kongal Sangma kut wa lai u cha Delhi da yaleh wow yachem wa u Montri Rangbahdooh ka ri wa ya u Montri Kaam Pohyung wow pynkynmoo ya ka phang ILP. Da ong u wa kani toh kawi ka dak wa ka sorkar jylla ym em chong ngiah ko wow pynyoh ya ka ILP.
U Prestone da ong u wa ka sorkar jylla ym hun ko yei leh yong ka sorkar pyrdi, wei na itæ i daw wa dang booddien ya ka phang ILP, wei dang pteiñ wow booddien hadooh wow yoh yei jubab kawa che lada daw e namo ym e.
Hawa kylli, u Symbood Montri Rangbah da ong wa ki MP yong ka jylla na ka NPP, ka Agatha Sangma wa u Dr. WR Kharlukhi ki da pyrchang ki katwa ye wow yaklam ya ka ILP wa ka sorkar India, ym du hapoh ka Parliament, wei da yachem ki leh ya ki Montri ka sorkar pyrdi man-i-por wow yaklam ya ka ILP.
