theme-sticky-logo-alt
theme-logo-alt
Advertisement ad1
Advertisement ad1

I pynslem ka sorkar ya i takit chah siat u Cherishterfied toh i thmu wow pynmylliñ: Process

U MLA ka Congress na Mawlai u Process T Sawkmie uwa man leh u President ka Shillong City Congress Committee da pynsñiaw u yei sñiawsih hajrong i wympu poi ka takit Judicial Inquiry wa da thung da ka sorkar hajrong i chah siat yap u Cherishterfield Thangkhiew wot hadien 5 bnai.

Hawa klam cha kiwa pathai khubor ynne ka sngi hadien ka yalang ka seiñ ha Congress Bhavan, u Process da ong u wa katkam i jubab wa da e da ka sorkar hapoh ka yung dorbar wa dadep, da ong ko wa du hapoh 3 bnai daw pyndep noh ya i takit hajrong ini i jia tangwa kattu da lai la 5 bnai khlem tip heiwon poi i takit.

Da ong u wa ka Congress dap ko dei sñiawsih wa ka Commission namo ka Judicial Inquiry kawa da thung wow pynlai chaphrang ya i takit da kreh ko deiwa jai næ hanla dadep khut ko ya kiwa sakhi wow paan ya ki sabut hajrong ini i kaam wei da kut i por katkam wa da booh tangwa da paan ma paan por ko sa chi bnai.

Da ong u leh wa ini i suki i takit yoo lakam wa ka sorkar kwah ko wow pynslem chynnam dei thmu wow pynmylliñ noh yeiwa jia, deiwa pynrap leh wa kam ka seiñ daw pteiñ ko wow booddien ko ya ini i kaam wei ka sorkar leh ymtoh de wow e por chooh ko tangwa wow e noh ya i rai wa khaddooh khnang wa kiwa emkti ha ini i kaam u chah pynchitom ki katkam ka aiñ.

Share this:
Previous

Pynkrehkaam ka sorkar ya ki kyndon aiñ wow yoh dan na ki kaam yakhle

Next

Daw boodien hadooh wow yoh jubab lada daw e namo ym e ILP: Prestone