New Delhi: U Montri khynnah ka sorkar pyrdi wa pait ya ka Development of North Eastern Region (I/C), Prime Minister’s Office, Personnel, Public Grievances & Pensions, Atomic Energy and Space, u Dr. Jitendra Singh da ong u wa daw chna ya ka North Eastern Cultural and Information Centre ha Delhi. Yeini da ong u ha ka yalang Review Meeting kawa tip kam ka “Roadmap for implementation of Cabinet Approval of Schemes for North East Council” ynne ka sngi heiwa da emlang u Secretary, Ministry of Development of Northeastern Region (DoNER) u Naveen Verma, Secretary North Eastern Council (NEC) u Ram Muivah wa kiwi ki heh sorkar.
Da ong u wa ka sorkar pyrdi da kreh kyrpang ko neibynta ki jylla ka thaiñ mihsngi wei kani ka North Eastern Cultural and Information Centre daw ye u pynman boon ki jait yalang ha ka kiwa yatoh waka dustur riti wa kiwi kiwi kiwa emkaam.
Ya kani ka North Eastern Cultural and Information Centre u chna ha i thaw wa heh 1.32 Acre wa em ha Sector-13, Dwarka, New Delhi ka wow pynkrehkaam da ka North Eastern Council (NEC).
Da ong u leh wa daw em ka Library heiwa daw booh ya ki kot ki sla wa yatoh wa ka thaiñ mihsngi, daw em leh ka Art Gallery ka wow pynyoo rong chaphang ki thaiñ mihsngi, ki thaw dai ya ki tiar ki tar wei daw em leh ki thaw sah namo ki Guest House.
I dor wow chna ya ini waroh u poi i T. 50-55 Klur.
Da pyntip u leh wa daw chna ya ka Hostel ha Jawaharlal Nehru University (JNU) wei ya kawi won du neibynta ki kynthai ha Bengaluru University.
Discussion about this post