Shillong: U Montri Rangbah ka jylla uwa man leh u Chairman ka Meghalaya Democratic Alliance (MDA) u Conrad K Sangma da ong u wa daw chong yalang ko chwa wow chim ya ka rai uyi wow chim ya ka chuki kam u Lamphang hadien wa khlaad noh u Dr. Donkupar Roy.
Hawa yaklam wa kiwa pathai khubor, u Conrad da kubur u yei klam u Prestone Tynsong wa ym em iwon iwon i yakut heiyatoh wa kani ka kaam khamtam lada u lai ko cha ka UDP tangwa hanla kattæ leh da ong u wa ka UDP ye ko wow kam deiwi wei ini waroh chong i ha ka MDA.
Da ong u leh wa waroh ki seiñ saiñhima em ki jar jiar i sñiaw tangwa hawa kut won ka rai u chong bait ko ha ka MDA.
Chooh chooh da ong u leh wa kam u montri rangbah ym miat wow klam iwon iwon ha ini i por neibhah wa daw yaklam ha ka MDA, ka wow chong yalang hadien ka lehkmen laitlooid ka ri.
Heiyatoh won wa ka Election chiteiñ samoi ha Shella Constituency leh, da ong u wa ka NPP ympu yaklam ko iwon iwon hajrong ini wei kam u President ka Party ym sñiaw toh u wa klam neibhah wa haap burom ya i sur yong ki chnat waphær waphær.
Discussion about this post