U CEM ka KHADC u Titosstarwell Chyne da pyntip u wa em hi ki Toll Gate ka Council ha ki sarokbah namo ki National Highway wa kiwi ki sarok sorkar wei kini toh kiwa da em nadooh nachwa.
Da ong u leh wa tip hi wa man pyrchah ya ka aiñ wow booh Toll Gate ha ki National Highway tangwa kini toh kiwa da em chwa nadooh ki boon snem nachwa wei kini toh kiwa pait ya ki kari wa kit mar kam kiwa kit dieñ, kit moo wa kiwi ki mar wa mih napoh khloo wei ka Council em ko yei hok u leh yeini wow chim ya kini ki dan.
Da ong u leh wa lada khang ya kini daw dooh nong ka KHADC hadooh T. 20 lak wei dang pynkreh kattæ kammon u leh yow lai chakhmat.
Kam wow pynkynmoo wa ka sorkar jylla da phah ko ya ki District Council wow khang ya waroh ki Toll Gate yong ki wa em ha ki sarokbah neibhah wa man ki pyrchah ya ka aiñ. Tangwa em hok ki wow chim dan ya ki mar kam ki dieñ, ki moo wa kiwi de wa kit da ki kari.
Chooh chooh da ong u em na kini ki Toll Gate ki wym toh kiwa khrong dan tangwa yow pait donhi lada ki bru (Non-Tribal) em ki ya ka Trading License hawa lai luti ki hapoh u pood u ang ka Council wei da emkaam wow em kam kini yow pyntikna wa biang ki kot ki sla.
