Jowai : Hei yatoh wa i thap kreh kaam chipai wa lait kreh hadooh 1584 tylli ka wadaw pynman ha ka 13 tarik u Naitung (April) ha Dikki Bandi Stadium, Tura; neiliang u DC ka West Jaiñtia Hills District daw pynman u ya ka Orientation Programme ka wa chi sngi yow yarap ya waroh kiwa em i thmu yaleh kreh.
Ya kani ka Orientation Programme daw pynman ha kani ka 31 tarik ha District Library Auditorium Mynthong, Jowai nadooh ipor 10 waje i step. Daw emlang u Brigadier William Sturgeon u wow e yei klam hei yatoh waka Entrance Test wei kamjooh leh yei rukom pyllai yow yoh kreh chipai.
U SP ka West Jaintia Hills u R. Muthu leh daw klam u hei yatoh wa i thap kreh kaam pulit.
Ya kini ki 1584 ki krehkaam (post) neiliang ka tnat Pulit da kynthup ya ka tnat Armed Branch, Unarmed Branch waka Special Forces SF-10. Katwa ya ki kaam chipai da kythup ya Soldier General Duty, Clerk, Store Keeping, Technical, Inventory Management, Technical and Tradesmen wa Re-enrolment of DSC personnel.
Ya ka All Indian Common Entrance Exam (CEE) neibynta kiwa chah jied daw pynman ha Army Public School, School ha ka 29 tarik Naisan (May), 2016.
Discussion about this post