Ka Dhab ki Montri (Cabinet) ynne da mynjur ko wow e syrnot (Certificate) cha ki bru kiwa duna hei yoh i laa ha ka jylla, heiyatoh wa i yoh i em ki wei ki wym pu yoh ki ya kawon kawon ka bhah yarap.
U Montri Rangbah, u Conrad K Sangma da ong u wa ya kini ki syrnot, u e du ya kiwa ympu yoh bhah næ Scheme yong ki ST/SC wa kiwi ki jaitbru khian paaid wei ymtoh ya waroh kiwa chong chnong.
Da ong u wa lada pynlait noh ya ki SC/ST wa kiwa da yoh ya kiwi ki myntoi, ki manyung kiwa toh u yoh ya ka syrnot toh du kiwa yoh hapoh ka T. 8 lak chi snem, wei i thaw rep yong ki lada em ymtoh u heh ki palat 5 Acre wa kitu kiwa em yei thaw yong ki hi.
Katkam wa ong u Montri Rangbah, kini ki syrnot daw yarap ki ya ki bru wow yoh ya ka bhah ha ki kaam wa i yoh bhah ha ki thaw puræ yong ka sorkar India.
