theme-sticky-logo-alt
theme-logo-alt

Ymtoh iwa suk wow pynbait ya ka ‘Roster’, dang pynkhreh ka sorkar wow phah jubab cha ka HC

Ka sorkar jylla dang pynkhreh ko wow phah ya i pynche lyngba ka dorkhat (Affidavit) cha ka Kasari High Court ka Meghalaya heiyatoh wa ka ‘Roster’ næ wow pynyoo che katwon tylli ki kreh wa da mang neibynta ki jaitbru waphær waphær katkam ka Reservation Policy.

U Montri Rangbah ka jylla, u Conrad K Sangma da ong u wa ka Dhab ki Montri (Cabinet) da yaklam yillu ki hajrong ini i bynta wei da pynsñiaw u wa ymtoh iwa suk wow pynbiang ya ka ‘Roster’ kawa khlem pynkrehkaam næ bood kattu da boon snem, heiwa da ong u leh wa ini i kaam toh iwa kyllaiñ bha wei ymtoh iwa suk wow pynbait næ booh ryntih du kajiak sngi næ ki tayaw.

Da ong u wow pynbait ya ini i kaam toh iwa eh, tangwa ka sorkar da lai ko chaphrang wow pynkhreh ya ka ‘Affidavit’ wow phah cha ka Kasari, wei da pynsñiaw u leh wa ympu kwah u wow klam boon iwon iwon heiyatoh wa ini i bynta kat hadooh wa ka sorkar daw ye ko u phah cha ka Kasari wow pynche.

Kam wow kdaw heini, ka High Court ka Meghalaya ha ka 5 Naitung, da pynmih ko ya ka hukum wa ka sorkar jylla toh u pynsangeh noh chwa ko ya waroh i thung kreh hapoh ki chnat waphær waphær, kat hadooh wa pynbna deiwi tawon.

Kani ka hukum yong ka Kasari wa khliehdooh ka jylla toh neidaw wa ki chnat krehkaam ym em ki ya ka ‘Roster’ næ ym pynyoo che ki katwon tylli ki kreh wa da mang neibynta ki jaitbru waphær waphær katkam ka Reservation Policy.

Share this:
Previous

Daw e syrnot wa kyrpang ka sorkar ya kiwa duna hei yoh hapoh ka jylla

Next

Yoh kem ki pulit ka Meghalaya ya 6 ngut ki nong Nigeria wa emkti hei tynyap bru