Shillong: U kyrtong ka Congress na Shella uwa da thap pyrtuid ynne ka sngi u Batyngshain Laitmon Ryngnga da kam u wa ka yakhun ha kani ka kynti ka Election chiteiñ samoi na Shella, kyrmen u wow rah ya ka thong i jop neibhah ha ka Election MDC da rem salit u du kamwa 200 Vote tam.
Da ong u wa ha ka Election MLA wa da dep, hanlada u kyrtong u toh u Teinwel Dkhar na ka UDP tangwa ka yakhun toh pyrchah ya u (T) Dr. Donkupar Roy, neibhah wa u Dr. Donkupar da kreh chitom u ya u Teinwel.
Heijooh i por, u Batyngshain da kyntait u wa i mih madan ka Grace M Kharpuri wow yakhun hadien wa da dooh Ticket na ka Congress, ym ktah ko ya oo neibhah toh dei mon samen yong ka.
Da ong u wa i yoh vote yong oo ha ka election MDC wa dadep na ka thaaiñ Shella Constituency, daw pynktik ko ya kiwa kyrchaan na ka thaaiñ Nongshken kiwa haap lang ha ka MLA Constituency.
Ha kani ka sngi u Batyngshain da wan synraan ya oo da u Wilfred Khyllep na ka Congress ki MDC ka party na KHADC.
Da booh thong u wow wanrah ya ka sarok, ka puræ puthi wa ka khayi pateiñ wow kyntu ya i roi i paar yong ki paidbah ka Shella kawa dang sahdien bha.
Discussion about this post