Ka Dawki PHC kawa em ha Bakur man ko kawi na ki thaw sumaar kawa e chakri ya ki paidbah na ki 27 tylli ki chnong ka Amlarem Sub-Division wei neini daw sliah noh ya ka khnang wow ye u pynlai ya u sarok thymme Shillong-Dawki ya uwa daw chna da ka Japan ka Japanese International Corporation Agency (JICA).
Hadien ini da mih i pyrchah na ki paidbah, ki dorbar chnong wa ki seiñ waphær waphær na ka thaaiñ wow pyrchah yeini i thmu wei ini da wanrah i ya ki bor sorkar wow thooh ki laad ki luti kammon wow leh hajrong ini.
Ynne ka sngi hawa yaklam wa u montri ki kaam pohyung ka jylla, u Lahkmen Rymbui hajrong ini da pyntip u wa kini pyn ar tylli man ki ki bynta wa emkaam bha ha ka imlang sahlang lada u sarok wa ka thaw sumaar wei ymhoi u pyndooh ya ki.
Da ong u wa ya ka PHC wa katni daw sliah du hadien wa dep chna da kawi ka Center ha iwi tawon i thaw wei manda dep ya ka heitæ daw sliah noh ya kawa katni khnang wow pynlait luti wow chna ya uni u sarok.
Heiyatoh wa i thaw wow chna thymme ya kani ka PHC, u Lahkmen da pyntip u wa katkam wa man katni dang thooh ya i thaw wow chna ya kani ka Center wa thymme.
