Daw lai bait i rah lama yong ki 13 seiñ

Jowai : Katkam ka khubor wa da pyllait da u President ka JSU u Rikut Pareiñ wa na u President ka JYF u Poipynhun Majaw da pyntip wa daw lai bait i rah lama yong ki 13 tylli ki seiñbhalang na ka Ri-Loom Jaintia wa kynthup ya ka JSU, KSU, HNPF, MPUF, RJYF, JSM, JNU, WJNC, CRJM, JYF,HYC wa kiwi kiwi ha ka 5 Duyatra, ha Jowai kam ka dak wow pyrchah joor hajrong i suki ka sorkar wow kyrriah kaam ya u Deputy Commissioner u Arunkumar Kembhavi wa u Additional Superintendent of Police u ma Shemphang Syrti.

Kani ka lai paidbah chirup wei rah lama yong daw sdang heipor 11.00 i step nadooh na Lad Nartiang (Lad College KNGC) chadooh cha madan Jrisalein.

Kam wow pynkynmoo heini, kini ki 13 seiñ da dawa ki na ka sorkar wow :

E noh ko ya ki dawa ki khynnah ka KNGC.
Kyrriah kaam (transfer) ya u DC, u Arunkumar Kembhavi wa ya u Addl. SP u ma Shemphang Syrti na kani ka Distrik.
Wow su bailutsan cha ki khynnah kiwa mynsoo ha iwa da jia ha ka 10 tarik
Wow pyndam noh ya ka FIR khlem booh kyndon pyrchah ki khynnah puræ la KNGC wa ki seiñbhalang.

Heijooh i por ki 13 seiñ da kyntu ki ya ki paidbah, ki manbei manpa, ki waheh chnong wa waroh kitu wa chah ktah kiwa mynsoo ha ka 10 u Khonchonglad wow em bynta lang ki ha kani ka lai paidbah kam ka dak wow pynyoo yei wa yatylli i para i neibynta i bha i miat ka ri.